आरबीआयने रेपो रेटमध्ये कपात करत मध्यमवर्गीयांना मोठं गिफ्ट दिलं ; लोनवरील EMI कमी होणार ..

भारतीय रिझर्व्ह बँकेने (आरबीआय) रेपो रेटमध्ये कपात करत मध्यमवर्गीयांना मोठं गिफ्ट दिलं आणि रेपो रेटमध्ये ०.२५ टक्क्यांची कपात केली. यासह रिझर्व्ह बँकेचा प्रमुख दर ६.५० वरून ६.२५ टक्क्यांवर आला आणि आता देशातील बँकाही लवकरच कर्जावरील व्याज कमी करण्याची घोषणा करतील, अशी अपेक्षा आहे. देशभरातील छोट्या-मोठ्या खासगी आणि सरकारी बँकांनी व्याजदर कपात केल्यास वैयक्तिक लोन, कार लोन आणि होम लोनवरील EMI कमी होईल.

रेपो दर कमी झाल्यानंतर EMI कसा कमी होईल?
रिझर्व्ह बँकेने रेपो दर कमी केल्यास तुमच्या कर्जाचा ईएमआय कसा कमी होईल, असा प्रश्न तुमच्या मनात येत असेल. खरं तर, बँका दोन प्रकारच्या व्याजदराने कर्ज देतात. पहिला निश्चित व्याजाने लोकांना कर्जाचा पर्याय दिला जातो. म्हणजे सुरुवातीपासून शेवटपर्यंत तुमच्या कर्जाचा ईएमआय एकच राहतो मग, आरबीआय रेपो रेट वाढावा किंवा कमी करावा. यावर निश्चित व्याजदराच्या कर्जात कोणताही बदल होणार नाही. त्याचवेळी, कर्ज घेताना लोकांना फ्लोटिंग रेटचाही पर्याय मिळतो, म्हणजे रेपो रेटमधील बदलानुसार कर्जाचा ईएमआय वाढू किंवा कमी होऊ शकतो. आरबीआयने रेपो दरात कपात केल्यानंस फ्लोटिंग रेटवर कर्ज घेणाऱ्यांचा ईएमआय किंवा कालावधी कमी होऊ शकतो.

ईएमआय किंवा कालावधी कमी करण्यासाठी काय करावं लागेल?
रिझर्व्ह बँकेने रेपो दरात बदल केल्यानंतर तुमच्या बँकेनेही व्याजदरात बदल केला केल्यास तुम्हाला बँकेत जाण्याची गरज नाही. कर्ज घेताना तुम्ही EMI पर्याय निवडला असेल (रेपो रेटमधील बदलानुसार) तर EMI बदलेल पण, तुम्ही कर्जाचा कालावधी बदलण्याचा पर्याय निवडला असेल तर कालावधी कमी होईल. मात्र, तुम्ही मुदत बदलण्याचा पर्याय निवडला असेल आणि EMI कमी करायचा असेल तरm तुम्हाला बँकेत जावे लागेल. बँकेत जाऊन तुम्ही तुमच्या सुविधेनुसार ईएमआय किंवा कालावधी बदलू शकता.

कर्ज घेणार असाल तर काय कराल
रिझर्व्ह बँकेने व्याजदर कपात केल्यांनतर तुम्ही कर्ज घ्यायचा विचार करत असाल तर आधी काही दिवस धीर धारा. सर्व बँकांनी कर्जावरील व्याजदर बदलले की तुम्ही या सर्व बँकांच्या व्याजदराचा आढावा घेऊ शकता आणि सर्वात कमी व्याजदर देणारे कर्ज घेऊ शकतो पण, तुम्ही छुप्या शुल्क इत्यादींबद्दल देखील माहिती मिळवली पाहिजे.