राज्यातील १६३ मतदारसंघात अपक्ष उमेदवारांना पिपाणी चिन्ह दिले; सुप्रिया सुळेंचा भाजपवर रडीचा डाव खेळल्याचा आरोप !!

बारामती : विधासनभा निवडणुकीत भाजप रडीचा डाव खेळत असल्याचा आरोप राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे यांनी केला. विधानसभा निवडणुकीत २८८ पैकी १६३ जागांवर अपक्ष उमेदवारांना पिपाणी चिन्ह दिले आहे. भाजपचा हा रडीचा डाव खेळत असल्याचा आरोप सुप्रिया सुळे यांनी केला. अजित पवारांनी साताऱ्याच्या सभेत याची कबुली दिली आहे. तुतारी आणि ट्रंपेट मुळेच साताऱ्याची शीट आली. यावरून दिसते की भाजप रडीचा डाव खेळत आहे. हे अजित पवारांच्या तोंडून आल्याचे त्या म्हणाल्या.
शरद पवार हे राजकारणातले भीष्म पिता आहेत हे देवेंद्र फडणवीसांनी मान्य केले ना, त्यांच्यावर टीका केल्याशिवाय बातमी होत नाही. त्यामुळे फडणवीस यांना तो अधिकार तर बनतोय . देवेंद्रजींना शरद पवार यांच्या शिवाय दुसरे काहीच दिसत नाही. शरद पवार यांच्यावर आरोप करून महागाईचा प्रश्न सुटणार आहे का? असा सवाल करत सुप्रिया सुळे यांनी त्यांच्याकडे मूलभूत प्रश्न नाहीत, त्याच्यामुळे देवेंद्र फडणवीस काही बोलत असतात असे म्हटले आहे.गौतम अदानी त्या मिटींगला होते की नाही याबाबत मला काहीच माहिती नाही. ते स्वतः अजित पवारच एकदा हो म्हणता एकदा नाही म्हणत आहेत. यामुळे आता याबाबत तुम्ही अजित पवार यांनाच विचारा, असे सुप्रिया सुळे म्हणाल्या. परिवार वादावर मला बोलायला लावू नका, असे सांगत देवेंद्र फडणवीस आणि भारतीय जनता पक्षांमध्ये जास्त परिवार वाद भरलाचे सुप्रिया सुळे म्हणाल्या. प्रमोद महाजन आणि गोपीनाथ मुंडे यांच्या मुली यांना का बाजूला केले? त्यांना कुठले पद मंत्रिपद का दिले नाही. भारतीय जनता पर पार्टीमध्ये युज अँड थ्रो केले जात असल्याची टीका त्यांनी यावेळी केली.