संतोष देशमुखांच्या कुटुंबाला त्रास दिलात तर घुसून मारू'; जरांगेंच्या वक्तव्यानंतर लक्ष्मण हाके आक्रमक .......

मुंबई : बीडच्या मस्साजोगचे सरपंच संतोष देशमुख यांच्या हत्येनंतर सातत्याने गंभीर आरोप केले जात आहेत. आज पुण्यात मोर्चा निघतोय. आतापर्यंत अनेकांना या प्रकरणी अटक झालीये. संतोष देशमुख यांना न्याय मिळून देण्यासाठी परभणीमध्ये सर्वपक्षीय मोर्चाचे आयोजन करण्यात आले होते. या मोर्चाला अनेक खासदार आणि आमदार उपस्थित होते. यावेळी मनोज जरांगे पाटील यांचेही भाषण झाले. मनोज जरांगे पाटील हे आक्रमक झाल्याचे बघायला मिळाले. आता मनोज जरांगे पाटील यांच्या विधानाचा समाचार लक्ष्मण हाके यांनी घेतलाय.जरांगे पाटील हे म्हणाले होते की, यापुढे जर संतोष देशमुख यांच्या कुटुंबियांना त्रास झाला तर एकालाही रस्त्याने फिरू देणार नाही. परळी असो किंवा बीड जिल्हा इथल्या आपल्या समाजाला त्रास झाला तर परभणी आणि पलीकडून धाराशिव यांना त्यांच्या घरात घुसू घुसू हाणायचं, असे जरांगे यांनी म्हटले. आता मनोज जरांगे यांच्या या वक्तव्यावर लक्ष्मण हाके यांनी प्रतिक्रिया दिली आहे. थेट त्यांनी जरांगेंना चॅलेंज दिल्याचे बघायला मिळतंय.

   लक्ष्मण हाके हे म्हणाले की, अशी चितावणीखोर वक्तव्य जरांगे करत असतील तर मला वाटते की, राज्याच्या मुख्यमंत्र्यांना माझी विनंती आहे की, अशा माणसांचा तात्काळ बंदोबस्त करावा. नाहीतर जातीय तेढ निर्माण होईल आणि सामाजिक सुरक्षा धोक्यात येईल. दोन समाजांमध्ये तेढ निर्माण होऊ महाराष्ट्रामध्ये अराजकता निर्माण होईल आणि जरांगे घुसायची भाषा आम्हाला सांगायची नाही. तुमच्यात जर दम असेल ना..तर कधी, कुठे आणि केव्हा ते सांगा...अशा चिथावणीखोर धमक्या तिकडे कोणालातरी द्या जरांगे. महाराष्ट्रामध्ये अशा धमक्या खूप लोकांच्या बघितल्या, असे लक्ष्मण हाके यांनी म्हटले आहे. आज पुण्यामध्ये मोर्चा आहे, या मोर्चामध्ये मनोज जरांगे पाटील हे सहभागी होणार आहेत. आता पुण्यातील मोर्चामध्ये लक्ष्मण हाके यांनी केलेल्या विधानावर जरांगे पाटील हे काय उत्तर देतात हे पाहण्यासारखे ठरणार आहे.