हे फक्त धोनीच करु शकतो! ४३ व्या वर्षीही स्टंपिंगमध्ये तशीच चपळाई, विराटही पाहतच राहिला !!

चॅपोक: आयपीएलच्या आठवा सामना चेन्नई सुपर किंग्जविरुद्ध रॉयल चॅलेंजर्समध्ये खेळवला जात आहे. एम ए चिंदमबरम स्टेडियम, चॅपोक, चेन्नई येथे खेळवला जात आहे. या सामन्यात नाणेफेक चेन्नईने जिंकली आणि प्रथम गोलंदाजी करण्याचा निर्णय घेतला. सामन्यात एका क्षण असा दिसला ज्यात धोनीचा करिश्मा पाहून सगळेच अवाक झालेले दिसले.आयपीएल २०२५ च्या ८ व्या सामन्यात, एमएस धोनीने त्याच्या धारदार स्टंपिंगने फिल सॉल्टला पॅव्हेलियनमध्ये पाठवले. या स्टंपिंगला त्याला सुमारे ०.१० सेकंद लागले, हे फक्त धोनीच करू शकतो. हे स्टंपिंग पाहून दुसऱ्या टोकाला उभा असलेला विराट कोहलीही आश्चर्यचकित झाला. फिल सॉल्ट आणि विराट कोहली यांनी आरसीबीच्या डावाची सुरुवात केली. सॉल्ट वेगाने धावा काढत होता पण पाचव्या षटकाच्या शेवटच्या चेंडूवर एमएस धोनीने त्याच्या विकेटकीपिंगने त्याला डाव संपवला. नूर अहमदच्या गोलंदाजीवर सॉल्ट स्टंप झाला. सॉल्टने १६ चेंडूत १ षटकार आणि ५ चौकारांच्या मदतीने ३२ धावा केल्या.